Nina Ansary.

Nieuwe Haven—Yu muhé di Hushang Ansary, Nina Ansary no tin niun klase di interes en un karta ku abogado Mirto Murray a manda pa Banko Sentral. Den e karta, manera ta konosí, Parman International BV ta proponé pa yega na un akuerdo ku Banko Sentral.

Nina Ansary, kende entretantu a kambia di abogado, distansha su mes for di karta di Murray. Ayera Rogier vd Heuvel, a manda un mensahe rònt unda e ta konfirmá e desishon di Ansary. Ku e karta di Nina, esei ta nifiká ku e la disidí ku e ta bai Korte di Apelashon. Rogier vd Heuvel, ta defendé Nina ku asistensha di Susheel Kirpalani di Quinn Emanuel Urquhart & Sullivan na New York.

Tur kos ta indiká ku tur e otro akusadónan den e mega kaso aki lo no bai apelashon mas,esei aló ménos si Banko Sentral opta pa sinta na mesa ku Ansary. Wes mr. Evelyn Notenboom den su veredikto na novèmber 2021 a sentensha Nina pa repago di 945 mion florin. Nina ta akshonista minoritario den Parman International BV. Pues Nina ta bai sigui su kaso ku defensa pues di EKVD na Kòrsou i Quinn Emanuel Urquhart & Sullivan ku ta un operadó di un kantor ku ta konta ku mas di 800 abogado establesé na Estados Unidos.

Aparte di bai den Apelashon, Ansary a inisiá un proseso internashonal. E la a entregá un denunsia kontra Banko Sentral di Kòrsou i Sint Maarten (CBCS) di 1,8 miar florin (990 mion dòler). Ansary ta akusá e banko di ekspropiashon ilegal di su akshonnan den Parman International BV (PIBV), ku ta un kompania di Kòrsou i alabes propiedat di invershonistanan estadounidense. Ansary ta internashonalmente rekonosé komo Defensor di Derechonan di Muhé, i ademas ganadó di premionan komo outor i historiadó iraní estadounidense. CBCS tin 60 dia total pa reakshoná òf entregá un moshon.

Ansary ta pidi un mínimo di 110 mion dòler pa 9 diferente demanda. Ta trata akí di: Ekspropiashon den Violashon dje Derecho Internashonal Kustumbrá; Trato Inhustu den Violashon di Derechonan di Tratadonan; Falta di Protekshon i Seguridat-; Medidanan No Rasonabel i Deskriminatorio-; i Ekspropiashon den Violashon di Derechonan di Tratadonan. Tambe di: Inkumplimento di Trato Nasonal i di Nashon Mas Faboresé den Violashon di Derechonan di Tratadonan; Konvershon di Derecho Komun; Enrikesimentu Indebido; i Inkumplimentu dje Deber Fidusiario.

Nina Ansary ta poseé 15,9% di PIBV, ku ta un empresa di 700 mion dòler, ku ta inkluí kompanianan di seguro, bankonan i algu mas di 64 hèktar di propiedat komersial i residensial di uso miksto (inkluyendo bienes di hür kantu di laman). Segun e denunsia: “CBCS a tuma kòntròl di ‘emergensia’ dje kompanianan di seguro di PIBV na 2018 bou di e preteksto di ‘implementá’ un ‘restrukturashon hopi ekstenso i bon pensá’, desaroyá despues di un estudio kuidadoso durante un periodo di 6 luna. Pero asta despues di a usa 280 mion dòler dje invershonnan líkido dje empresa na New York, ku ta sufisiente pa kompletá a restrukturashon, Banko Sentral no a kumpli ku e plan primintí.”

Segun Ansary mas bien, despues di e ‘impakto grandi’ den e ekonomianan di Kòrsou i Sint Maarten kousá pa e pandemia mundial, Banko Sentral ‘a konspirá ku e gobièrnunan di Kòrsou i Sint Maarten, pa ekspropiá e aktivonan di PIBV na interes privá di nan kompinchinan, na lugá di restourá PIBV despues di kompletá e restrukturashon rápidamente’. “Awor animá pa su éksito, Banko Sentral a start plannan pa apoderá di mas di 64 hèktar di bienes na Sint Maarten ku ta den poder di PIBV, asta despues di kantidat di deklarashon públiko di funshonarionan di Banko Sentral tokante e restourashon di e salú fiskal dje empresa.” Ayera Nina Ansary a afirmá ku e no tei sinta negoshá nada ku Banko Sentral i lo sigui