Back to Top
Responsive image
E korant di pueblo

“Nos no ta bai pa kruimel: 2.5 Bion na invershon”


May 12, 2021 • 1 minüt pa lesa

Frakshon: frakshon di MFK ayera despues di huramentashon

Punda—Miembro di Parlamento di Kòrsou i prospekto minister di Obranan Públiko  Transporte i Telekomunikashon, Charles Cooper, ayera a ripití parti di kontenido fo’i un karta 30 di aprel último. Ta trata di un karta di ekspertonan konsehero pa e tolda blanku i bèrdè unda nan a bisa ku Kòrsou no ta sigui kana e kaminda di “kruimel” sino lo buska invershonnan kuantioso pa duna sostenibilidat na e nos ekonomia.

Segun Cooper na momento nan ta papiando di kita fo’i ideanan “kruimel” nan ta papiando di un bolsa di 2.5 bion florin na invershon pa Kòrsou. Segun Cooper ta ekspertonan di “taya” ta trahando riba nan konsehonan i por bisa ku e intenshonnan ta serio tambe. Anke e no menshoná fo’i unda e sèn lo bini òf kon lo finansiá e invershonnan, Cooper a konfirmá si ku esaki no ta bini for di e IMF Fund Program, kual ta un programa di finansiamentu for dje programa di IMF.

Login