Parke di Mangrove lo ta será te na un próksimo aviso.

Willemstad—- For di ayera djaweps 5 di òktober e parke di Mangrove na Rif lo ta será te na un próksimo aviso.

E desishon drástiko aki Carmabi  for di ayera 5 di òktober 2023 mester a tuma ora ku a bin konstatá den oranan di mainta un biaha mas awa sushi di riol mester bruha den e awa di e parke. Tabata den e anochi di 3 pa òktober ku a bin konstatá ku  na e parti ost di e parke di Mangrove awa sushi di riol mester a yena i pasa basha den e awa di e parke. Mirando e oló stinki ku esaki ta trese kuné ta pone ku no por garantisá seguridat di e Bishitantenan i tampoko e trahadónan den e Parke a yega na e desishon ku ta será e parke te na otro aviso. Si lo bai evaluá e situashon aki diariamente. Manera ku konstatá ku e awa di riol no ta presente mas lo tuma e desishon pa habri e parke bek pa Bishitantenan.