Momento ku polis a haña e tas i mesora a konfiská esaki.

Willemstad—Un persekushon tras di dos atrakadó ku a kuminsá for di den aria di Brievengat a bin terminá den Bahamasweg na unda a logra di detené un di e sospechosonan aki.

Tabata den oranan di atardi ku a tuma un atrako arma riba un dama den aria di Parke Industrial riba un dama na unda a logra di kita su tas ku pertinensha den dje. Ta trata di un dama ku tin e trabou di hasi kobransa pa un negoshi ku e ta traha pe. Despues di a poderá di e dama su tas e dos tiponan aki den un vehíkulo di e marka Kia Picanto kolo shinishi sin plachi di number a trata di hui bai pero no a tene kuenta ku un agente polisial tabata den serkania ku a sigui tur kos. Esaki a pone ku e la sali tras di e outo miéntras e la pidi mas asistensia. Esaki a pone ku a kuminsá ku un persekushon ku a sali di Brievengat drenta te den Buena Vista. Na altura di Blanquillaweg e tiponan den outo a saka man benta e tas afó pa seguidamente riba Bahamasweg a bin pèrdè kontròl dal kontra di un kura di kas. Tabata einan ku  polis a logra di detené un di e tiponan miéntras e otro si a logra di kore drenta den un kura di kas. Riba órden di un Fiskal Ousiliar a drenta den e kura pa kontrolá pero no a bin topa ku e otro sospechoso. A konfiská e tas i tambe e vehíkulo pa mas investigashon.

https://www.facebook.com/VigilanteKorsou/videos/1789696011528136 (klik pa wak vidio)