Investigá: polis a sera tráfiko pa investigashon despues di a transportá e víktima pa CMC.

Monte Carmelo—Un problema entre famia i amigu, a bin eskala den un losmentu di bala ku a tuma lugá riba 12 di mart den bario di Monte Carmelo. Esaki ta lokual a bin dilanti ayera den korte durante tratamentu di un kaso di Ministerio Públiko kontra di e hòmbernan Edward Sukhu Akbarali i Erwien Ewald Bhagwan

E problema a bin resultá den un intento di asesinato riba e tio, Roland Persaud. Tabata trata di un problema entre famia i konosínan, den un komunidat guyanes, yu di Kòrsou. E problema a originá durante diskushonnan entre e suegra di Sukhu Akbarali, su famia i persona. Segun deklarashonnan den korte ayera, e enamorada di Sukhu, L, su mama no tabata gusta nan relashon masha i tabata mete kousando problema.  Esei aló ménos tabata lokual abogadonan defensor a trese dilanti ayera durante un tratamentu públiko.  Sukhu na dado momento tabata papia bastante stret parse, segun su abogado. I mama di su namorada i su tio Roland Persaud no tabata gusta e sistema.

I riba 11 di mart e kosnan a bin eskala, na momentu Sukhu i su enamorada a hiba un pleitu. Miéntras e problema entre Sukhu, su frei i famia di frei tabata eskala, e di dos akusado den e kaso, Bhagwan tambe a kuminsá sera un problema ku primu di e enamorada. I na rotònde di Caracasbaai e dos partidonan a bin topa otro despues di un blokeo di outo, tabatin interkambio di palabra. E siguiente e problemanan a sigui. E biaha aki, un hòmber Angel Atilio Perez Quintallo, a kore ku yega ku Sukhu i Erwien den outo unda e la baha i basha bala riba tio Persaud ku mester a risibi tres perforashon di bala. Hustisia nunka mas a mira Quintallo i a pèrsigui Sukhu i Erwien. Pero debí na falta di pruebanan kombinsente ámbos a rekobrá libertat ayera.