Gilbert Martina, direktor CMC.

Otrobanda—Un kantidat di spesialista na Curaçao Medical Center a manda mensahe bon kla pa gerensha di ta pensando na baha. E insertidumbre ku tin rònt di e lei yamá Landsverordening normering topinkomens (LNT) pa personal tòp den Curaçao Medical Center (CMC) ku tin na vigor for di desèmber aña pasá, ta sigui okashoná problema pa funshonamentu di e hòspital.

Gobièrnu te ainda a neglishá e atvertenshanan. Direktiva di CMC den un karta dirigí na gobièrnu (lesa Minister interino di Salubridat (GMN) i di Finansa, Javier Silvania) na kuminsamentu di Mei, den kua ta mustra riba e konsekuensianan negativo. Den kartanan di 13 di febrüari i tambe 14 di aprel último e asosiashon di spesialista tambe a pidi atenshon di gobièrnu pa e konsekuensianan negativo di aplikashon di LNT riba e spesialistanan den servisio di CMC i a insistí riba un solushon riba término kòrtiku. Direktiva di CMC a komprondé tambe ku a hiba diferente kòmbersashonna.  I tambe riba 20 di mart último ku Konseho di Ministernan, den kua a duna di konosé ku un konseho di departamentu pa Asuntunan Hurídiko i Legislashon (WJZ), ta sostené e posishon dje asosiashon, ku e LNT no ta destiná pa spesialistanan den servisio di CMC. “ Apesar di esei, Korte a duna un desishon diferente.

Konforme un amienda ku Parlamento a laga inkorporá den e lei, despues di tres aña lo kuminsá baha salarionan di funshonarionan i konseheronan den tòp di sektor públiko òf semi públiko, ku ta surpasá e stándar manera stipulá den e LNT. T’asina ku CMC a manda un karta dia 7 di febrüari último den kua a mustra kaba riba e preokupashonnan grandi tokante e impakto ku e LNT por tin riba e grupo di spesialista médiko den servisio di CMC, i pa loke ta trata garantia di kontinuidat i aksesibilidat di kuido dor di atraté e spesialistanan deseá, loke aktualmente no ta posibel. Nan a manda e karta saliendo for di e punto di bista ku CMC tambe ta kai bou di e LNT, pero na opinion dje direktiva esaki no ta kuadra.

Gerensha di CMC tin un luna ta analisando ta kuantu di nan spesialistanan den servisio lo keda perhudiká pa e areglo i desishon di korte. Entretantu, no tin aplikashon nobo miéntras un kantidat di spesialista a mustra desinteres pa sigui den servisio di e instituto nashonal di kuido médiko.

Durante un rueda prensa den luna di Mei na Curaçao Medical Center, organisá pa e asosashon di médikonan spesialista LVMPiLC, e lei pa plafoná salario por kita entre 30 pa 60% di nan entrada.Ta un hecho ku médikonan spesialista ta mal pagá rònt mundu, si kompará e kantidat di aña ku nan ta pèrdè nan estudio pa despues drenta den servisio di un hospital i kana e  añanan eksperensha nesesario. Mas serio ta bira na momento e spesialista opta pa traha na un sentro médiko i no bai privá.

Durante e rueda di prensa, e médikonan spesialista a insistí ku nan problema no ta pa e sèn, sino atkishon di spesialista nobo, bou di e plafon di pago ta bira imposibel. Si mantené e plafòn di salario, segun spesialista Michel Berry, nan por atras pa entre 30 pa 60%. Ta trata di alrededor di 97 spesialista kendenan ta keda perhudiká na nan entrada. Riba 11 di mart último, nan asosashon a sinta ku Minister interino di Salubridat Públiko, Javier Silvania sin drecha nan situashon.