ISLA—E retironan di tres funshonario na CRU, ta kuestioná motibu dikon CRU a opta pa retirá e personal, sin tabatin un base hurídiko sufisiente. Un investigashon di Vigilante ta tira lus riba un proyekto ku e.o. Gershwin Mutueel a deskubrí di tabata kuestionabel.

Ta trata di e proyekto pa “upgrading di e ManCamp” riba tereno di Isla. Na dado momento, gerensha di CRU a duna tarea pa inisiá e proseso di upgrading unda mester a risibí oferta, kual proseso tampoko a sosodé via di un Destaho Públiko. E oferta a drenta for di un promotor tékniko, kual mester a keda skrutina pa un tim na CRU, unda Gershwin Mutueel tabata forma parti di e tim.

Mutueel, tabatin bastante konfiansa riba su kredibilidat na RdK/CRU pasobra pa kasualidat e tabata kordiná e trabounan di konstrukshon na Soto, unda RdK a duna miónes den kuadro di nan responsabilidat sosial. Na Soto, ta trahando un kompleho deportivo i Mutueel tabata kordiná parti di e proyekto. Na CRU e tabatin e posishon di Senior Civil Trainer Coordinator i tabata uz’e tambe pa yuda na Soto.

Den kuadro di e proyekto pa revishon i drecha e ManCamp riba tereno di Isla, a drenta un oferta ku a resultá di tabata kaso 8 mion florin. Muteel, enkarga ku konseho na CRU, mester a rekalkula e revishon pero no por a yega mas leu ku 1 mion florin komparabel riba lokual e oferta a drenta na CRU, kual por sierto tampoko a saka proposishon pa un destaho.

E tim di Mutueel a bin deskubrí un diskrepansha enorme i nan ta bolbe rekalkula. E biaha mas mas amplio pero atrobe no ta sali mas karu i konsekuentemente, a konseho a bai na maneho di CRU/RdK pa para e oferta kostoso. E konseho di e grupo Mutueel, mester tabata motibu di mal kontentu den sierto gremio di maneho. No tabata komprendibel, kon CRU/RdK ta permití Mutueel pa yuda kordiná na Soto, pero diripiente ta kuestion’e riba yenamentu di orarionan di trabou, miéntras tabata aprobá i firma tur nan formularionan di orario.

Kisas tabatin intenshonnan pa kuminsá hasi negoshi ku ManCamp? Resientemente a amplia i remplasá e kantidat di erko ku tin den ManCamp i ta sospecha ku esei tabata e motibu dikon a manda kobra CLL pa uzo. Den kada un kamber tin un kama ariba ku abou i ta trata di 8 rei di unidat pa yega 160 kamber. Na final di kada unidat tin kuater sanitario ku nan fasilidat di baño. CRU, a laga instalá kasi 80 mil florin na erko nobo, kual proyekto si a bai konforme destaho, kontrali na por ehèmpel e oferta di kasi 8 mion florin pa drecha i amplia e fasilidat na ManCamp. Despues ku téknikonan na CRU a bai rekalkula e oferta, a konkluí ku ampliashon no tabata por a subi 1 mion florin.

Na mes momento a kuminsá sospechá ku tin intenshonnan serio pa kuminsá hasi negoshi ku e ManCamp, pero meskos ku den e proyekto ilegal di “weeding”, a pone e funshonarionan ku tabata kuestioná e proyekto un banda. CRU mesora a pone e funshonarionan enkargá ku ManCamp riba non aktif pa despues duna nan karta di retiro. E oferta pa ampliashon i remodelashon di ManCamp mester a tuma lugá 29 di sèptèmber 2023, pero pa motibunan deskonosí e presentashon nunka mas a tuma lugá. Despues ku funshonarionan konserní a sospecha mal práktika, riba 7 di Òktober a manda yama nan unda e.o. Patrick Newton a informá e funshonarionan ku nan ta riba non aktif.

Meskos ta e kaso tambe di Benjamin Goeloe, kende a kuminsá investigá e.o. pagamentu di mas ku 700 mil florin di un kompania di tres persona pa “weeding” riba tereno di Isla