Djarason 20 di dezèmber tabata e último djarason di 55+ pa aña 2023 na Sambil huntu ku frònt di PURU! kual a pèrkurá pa un ambiente tur afó.

Na promé lugá, Sambil kier a yama henter pueblo di Kòrsou masha danki di por a forma parti di Sambil su aktividat di 55+.

Esaki tabata un inisiativa ku a kuminsá na luna di mart di e aña aki i ku a bira un tradishon riba tur djarason di 4or pa 6or den e food hall. 

Un aktividat kaminda Sambil kier a brinda atenshon spesial na nos grandinan 55+ ku hopi biaha ta sintá na kas i/òf un ta haña e oportunidat di distraí nan mente di un forma sano.

Sambil a demostrá di ta mas ku un sentro komersial i ta brinda un ambiente formidabel, den un esfera ameno i sigur pa henter famia.

E último djarason di 55+ aki tabata posibel danki na Coca Cola.

Un gradisimentu ta bai na tur músiko i kantante, kas nan di hende grandi / gruponan spesial i tur hende ku a bishitá nos for di Hulanda, Boneiru i Aruba.

Pero spesialmente na tur fiel bishitante i fanátikonan ku a sa di kana ku nos for di kuminsamentu. Nos ta invitá boso pa sigui bishitá nos i hasi uso di tur loke nos tin di  ofresé.

Keda pendiente pa mas di e ambiente di 55+ den 2024.