Willemstad  –  Ofisina Sentral di Statistik ta informá ku durante e delaster periodo di Senso2023 ta bai duna e kasnan di famia ku ainda no a partisipá na e enkuesta, mas opshon pa yena e formulario di Senso.

E esfuerso aki lo yuda pa pronto por finalisá Senso2023. Ku uso di e lenk https://senso.cbs.cw/sensoform2023 por traha un sita pa un enkuestadó pasa na e kasnan di famia ariba menshoná pa asina e enkuesta tuma lugá. Tambe por usa e lenk pa hasi petishon pa yena e lista di pregunta online òf telefónikamente.

Partisipashon di tur persona bibá na Kòrsou ta di gran balor i di sumo importanisia pa e éksito di Senso23. Mas informashon tokante Senso23 i su importansia pa komunidat di Kòrsou ta disponible riba https://senso.cbs.cw/.

Por yama of whatsapp semper na ofisina di CBS pa mas informashon riba e numbernan di kontakto 839 2300 i 520 2227.