Senso 2023 ta kuminsá awe i lo sigui te 20 di òktober 2023.
Willemstad,– Awe 2 di sèptèmber e enkuestadó nan di Senso ta subi kaya pa risibí informashon nan balioso tokante pueblo di Kòrsou.
Kaminda riba djaweps tras di lomba tabata tin e seremonia inougural di apertura di “Senso23”, awe e enkuestadónan ta subi kaya. Tur bario tin sentronan kaminda e enkuestadónan ta sali for di dje, pues tur habitante mester keda pendiente pa risibí bishitá. Segun e organisashon di Senso, e enkuestadónan ta subi kaya tur dia entre 9 or di mainta pa 8 or anochi.
E enkuestadónan lo bai hasi nan trabou kuminsando for di awe te ku 20 di òktober 2023. Na momentu ku un enkuestadó yega na bo adrès, e enkuesatdó lo demonstrá via di un badge ofisial ku e ta forma parti di e organisashon. Akinan ta rekomendabel pa bai paden i kontestá tur pregunta ku e enkuestadó puntra. E tempu di pregunta ta dura mas o ménos 45 minüt pa kas.
E preguntanan ku bo ferwagt ta inkluí riba e wèpsait di senso kual ta https://senso.cbs.cw/cheklist-pa-senso-2023.
Preguntanan ku bo por risibí ta entre otro: