Christiaan Janssen.

Punda– Segun e minister Javier Silvania, aparte di SOAB, fiskal di Ministerio Públiko  tambe tin vários konklushon tokante di Ontvanger. Manera ta konosí, resientemente riba ròl di korte ta paresé kompanianan mediano i chikí pa inkumplimentunan riba pago di impuesto.

Segun, minister Javier Silvania, fiskal di Ministerio Públiko, den e kaso aki Christiaan Janssen (red) a duna un reakshon. Segun e fiskal,  si Ontvanger no ta funshoná,  no ta resultado solamente di e echo ku e debenan ta asina hopi, sino tambe pa motibu ku ta otorgá areglonan di pago, miéntras ku no a hasi un evaluashon di e kapasidat di pago (A lo ménos esakinan no ta inkluí den e sistema GOS). Ku esaki Ontvanger no ta kumpli ku e Ordenansa di Kobramentu, art. 6 insiso 1 (Ontvanger ta outorisá pa duna e kontribuyente, suspenshon riba su petishon pa suspenshon di pago i tambe otorgá kondishonnan di pago mas fásil, si resultá ku e no por kumpli ku e areglonan di pago preskribí pa motibu di sirkunstansianan spesial, fuera di su boluntat).

Pero aparte di ta prekupá ku e areglonan di pago, Ministerio Públiko a mustra tambe riba su maneho di persekushon pa eksonerashonnan promé di 2017. Tabata for di 14 di mart 2023 ku Ministerio Públiko a kuminsá puntra pa mas aklarashon. Den un karta 14 di mart 2023, a manda súplika E Tim di proyekto riba Impuesto mas detaye riba e eksonerashon di debenan di impuesto mas bieu ku 2017 bini abou. Ministerio Públiko ta prekupá ku durante nan prosedimentu kontra di froudenan fiskal, Korte por deklará nan no legítimo, debí na e maneho nobo na Ontvanger.

Den karta 19 di mart 2023, Minister di Finansas Javier Silvania a kontesta Ministerio Públiko ku nan no mester prekupá pasobra segun e minister no ta papiando di eksonerashon di e debenan. Segun e minister ta un Maneho Nobo na Ontvanger for di finalnan di yanüari. E minister a sigurá Ministerio Públiko di no prekupá i ku nan por sigui normal ku nan persekushon di e kasonan apesar di e Maneho Nobo na Ontvanger. Entretantu den seno di konseheronan fiskal, a manda súplika atraves di e dekreto di LOB pa gobièrnu suministrá.

E minister ya a menshoná na Parlamento di tin kondishonnan bou di kual por yega na e eksonerashon 2017. Unu di nan tabata ku no mag tin persekushon penal. Segun minister di Finansas, Javier Silvania, tabatin e kantidat di 55.000 bezwaarschriften ku mester a keda trata . Básikamente, e adaptashon di maneho di kobransa ta enserá ku aanslagen enkuanto 2017 òf mas bieu lo no wòrdu kobra aktivamente, teniendo kuenta ku 3 eksepshon. Segun e minister, e kambio den maneho no ta enserá ku a duna abolishon (“kwijtschelding”), pero ku Servisio di Impuesto ta konsentrá su kapasidat limitá pa kobra aanslagnan mas yòn (2018 bai ariba) kual ta subi e posibilidat di kobransa. Segun Silvania, den pasado a apliká vários reglanan (regelingen) di sanashon di debenan di impuesto i primanan sosial (esta e asina yama sanering) i tambe a yega di apliká e asina yama “opschoning” di e aanslagnan di impuesto i primanan sosial ku no a wòrdu paga.