Silveria Jacobs a kue poder for di e elekshon di 2020.

PHILIPSBURG,– Pueblo di Sint Maarten lo skohe un parlamento dia 11 di yanüari otro aña, asina e promé minister di e pais, Silveria Jacobs a bisa.

E fecha límite pa registrá partidonan polítiko ta 11 di òktober, e instalashon nobo di e parlamento lo tuma lugá dia 10 di febrüari.

Den e último elekshon tabatin shete partido ku a partisipá di kual sinku a resultá den parlamento. National Alliance di promé minister Jacobs a bira e partido mas grandi i a saka seis di e diesinku (15) asientonan. E dia mas ku 13 mil hende a bai urna elektoral for di e total di 23 mil hende ku por a vota.

Sint Maarten a konosé diferente kambio di gobernashon ku nuebe (9) gobièrnu i shete (7) promé minister diferente den e promé dies (10) añanan. Tambe e elekshon di otro aña ta bira tambe e di seis (6) elekshon den dieskuater (14) aña.

Pero Silveria a kue poder for di e elekshon di 2020. Ta eksistí e posibilidat grandi di ku su partido National Alliance lo bolbe tin bon resultado den e próksimo elekshon pa parlamento.