SOAW ta e ministerio ku ta duna mas tantu supsidio i ta keda responsabel pa hasi esaki na un manera efektivo.

Willemstad, — SOAW tin e responsabilidat primario pa mehorá supervishon di supsidio. Esaki ta debí ku SOAW ta e ministerio ku ta duna mayoria supsidio.

SOAW tin un responsabilidat grandi pa atendé ku maneho di supsidio debí ku SOAW ta e ministerio ku ta duna mas tantu supsidio. E instansianan ku ta kai bou di SOAW ku ta risibí supsidio ta den un situashon finansiero basta krítiko.  SOAW mes a atmití ku e situashon finansiero di mayoria instansia ku ta kai bou di nan supervishon i ku ta risibiendo supsidio a empeorá.

Entrante aña 2022, Ministerio di SOAW a pone komo prioridat pa asina operashonalisá dunamentu di supsidio pa kumpra di ayudo i servisio di instansianan. Esaki ta segun plannan di gobernashon di aña 2022 pa 2025. For di aña 2022, SOAW a duna di konosé ku lo bai krea un ‘unidat di supsidio ‘ ku lo tin e primera responsabilidat pa supervisá e instansianan ku ta risibí supsidio.

SOAW a nombra un punto krítiko dikon e instansianan ku ta risibí supsidio ta den un situashon finansiero krítiko, kual ta falta di un maneho konkreto riba kiko ta wòrdu kumprá, ku kua meta, i segun kua preis. Pues por falta di maneho, e ministerio su supervishon no ta masha efektivo riba kiko ta wòrdu kumpra, ku kua meta, i segun kua preis. Sin maneho konkreto ta duna supsidio sin supervisá kon e sèn ta wòrdu uzá. Esaki ta pone e finansiamentu di diferente servisionan ku ta brinda pueblo den peliger.