VLISSINGEN—Riba media sosial tin un video di e sospechoso (17) di un insidente fatal na Vlissingen, segun Omroep Zeeland.

Den e video e sospechoso ta hari hasi cherchi di e demanda di OM kontra dje, ku ta 1,5 aña i tratamentu obligatorio pa hobennan. OM ta haña e video sin respèt i ta start un investigashon riba e insidente. E hoben (17) ta sospechá di a hinka Rainee Laveist (20) fatalmente aña pasá durante un festival di studiantenan den siudat. Investigashon a indiká ku a surgi un konflikto riba tereno dje festival entre dos grupo kaminda tabatin pushamentu. Den e forsageo Laveist a keda alkansá fatalmente ku un kuchú, segun hustisia. OM a konstatá ku tabatin un esfera agresivo pero konsiderando e sirkunstanshanan no por hasi apelashon riba defensa propio. Hustisia ta tene kuenta ku edat di e sospechoso pero tambe su sirkunstanshanan personal. Segun ekspertonan e sospechoso no tabata mentalmente responsabel na momentu di e insidente. Ademas for di un sentensia anterior por konkluí ku e sospechoso tin inkapasidat mentale leve, segun Omroep Zeeland. Posiblemente e video ta graba den prizòn hubenil na Breda kaminda e sospechoso ta enkarselá. Por sierto ku selular ta prohibí den e fasilidat. OM ta haña e video irespetuoso sigur pa famia di e víktima. E instituto tambe a hasi investigashon i a haña un selular.