WILLEMSTAD – E siman akí a tuma lugá un treinen workshop titulá “Reorganization of Community mental Health services in Curaçao”, na enkargo di e organisashon Pan American Health Organization (PAHO, organisashon panamerikano di salú) den hotèl Renaissance.

Vários organisashon lokal a manda representante pa partisipá na e evento aki. Ta trata aki di PSI Skuchami, Brasami, Fundashon pa Maneho di Adikshon (FMA), Arbo, Klínika Capriles, Hugenholtz, Ministerio di Salubridat, Medio Ambiente i Naturalesa (GMN) i Sentro di Detenshon i Korekshon Kòrsou (SDKK). Un dje tareanan ku mester a hasi den grupo djamars mainta tabata traha e toren di mas altu hasiendo uso di spaguèti, kabuya, “marshmallow” (bòns bòns) i teip. Riba e kombinashon di foto akí por mira momentu ku e diferente gruponan tabata trahando nan toren di spaguèti.