Manchi Harms ta para 100% tras di su palabranan.

WILLEMSTAD,—-E dianan aki tin trabounan duru tumando lugá, ku mira riba apertura di karnaval 2023, ku ta tuma lugá djasabra awor, dia 7 di yanüari 2023.

Den e kuadro aki e organisashon ku ta hiba di nòmber “F.D.K.K.“ ku ta para pa “Fundashon Desaroyo Karnaval Kòrsou”, ku tin na kabes Herman “Manchi” Harms ta transformá Curaçao Festival Center, den un sitio kompletamente karnavalesko. Un ke otro unda ku ya por mira e kambio ku tin na murayanan parti pafó di Curaçao Festival Center. Esaki ta un bunitesa sin duda.

Mas aleu parti paden di Curaçao Festival Center, ta hañando un transformashon grandi pa ku e evento di djasabra awor. Vigilante Farándula a hiba kombersashon ku ‘Manchi’ djaluna tras di lomba, na momentu ku trabounan tabata tuma lugá i e la duna di konosé lo siguiente:

“Nos no ta drumi. Mi tin un tim ta trata kuné ya pa algun aña i nos ta drenta otro masha fásil. Nos tur konosé otro bon i esaki ta yuda mi bon i e ta trese un trankilidat pa mi. Paso kere mi ku e trabounan ta hopi. Pero huntu nos ta logra nos metanan. Pa djasabra awor Kòrsou sigur lo bai mira un evento grandi, kaminda ku nos karnaval i nos tumba ta pará sentral”.