Aktualmente Ministerio di Ministerio di Desaroyo Sosial, Labor i Bienestar (SOAW) ta dunando supsidio na diferente organisashon ku ta sòru pa kuminda.

WILLEMSTAD – Aktualmente Ministerio di Ministerio di Desaroyo Sosial, Labor i Bienestar (SOAW) ta dunando supsidio na diferente organisashon ku ta sòru pa kuminda, manera pa ehèmpel “Tur mucha mester kome”, pa sòru ku durante di krísis mucha di famianan ménos privilegiá por risibí kuminda. Asina Promé Minister Gilmar Pisas a kontestá Parlamentario Sheldry Osepa e siman akí, riba su preguntanan hasí na yüli aña pasá.

Segun Pisas, tin mas fundashon ku ta hasi mas kos ku tambe ta sòru pa kuminda tambe. “Komo gobièrnu nos lo sigui yuda kaminda tin nesesidat pa mas kas di famia tambe bini na remarke pa risibí yudansa.” Riba e pregunta si gobièrnu ta pensando riba un maneho kreativo pa mantené preis di kuminda abou, Pisas a ripití: “Ku introdukshon di e Makutu Básiko, e sistema di Prijs Publicatie Applicatie (PPA) den kombinashon ku desaroyonan riba e área di agrikultura i peska, i tambe maneho di gobièrnu pa loke ta trata komèrsio internashonal, ta fèrwagt ku e preisnan di produktonan di promé nesesidat na Kòrsou tambe lo stabilisá. Gobièrnu ta trahando tambe riba implementashon di e maneho di koperativismo, i stimulashon di koperativismo tambe lo yuda den esaki.