ROTTERDAM—Eksportashon di produktonan hulandes pa Turkia a krese drastikamente den último dos aña.

Despues di invashon ruso na Ukraina produktonan manera truknan i mashinan di kalkulashon no por bende mas ku Rusia. Pero kompanianan hulandes ta parse ku ta yega Rusia via Turkia. Hulanda a eksporta den e promé kuartal di 2023 pa 869 mion euro di e produktonan aki pa Turkia. Esaki ta 91% mas ku dos aña pasa segun sifranan di CBS. Tur kos ta indiká ku kompanianan hulandes ta burla di e sanshonnan kontra Rusia riba gran eskala, segun CBS. Pero no tin prueba. Tambe eksportashon di produktonan hulandes a krese pa Kazachstan, Belarus, Armenia, Kirgizie i Oezbekistan den segundo kuartal di 2023. Eksportashon a oumentá ku 75% kompará ku 2021.