Bèk: ku Rutte bèk, Hulanda tei imponé preshon pa yega na un Plan di Desaroyo pa Kòrsou.

Punda— Ta  birando mas opvio kon na nivel di pais, Hulanda lo kombiná via di e Lei di Konsenso, eksigensianan den e Pakete di Pais. Ulanda ta demandá pa Kòrsou presentá un plan di desaroyo. E plan aki mester keda someté na evaluashon tantu pa Cft, e komishon supervisádo di finansas públiko na Den Haag pero tambe pa e servisio di finansa lokal.

E COHO a bini pasobra pa medio sèptèmber 2019, Kòrsou mester a entrega Ulanda un rekuento di proyektonan ekonómiko. Esaki mester a sosodé tambe kada 6 luna. Kòrsou no a kumpli i awor Hulanda a imponé via e Lei di Konsenso i Pakete di Pais.  Si sali fo’i punto di bista ku e Pakete di Pais ta remplasá e Akuerdo di Kresementu,  e Entidat di Karibe lo ta e instituto pa preskribí e   outorisashon pa gobièrnu di Kòrsou bende su propiedatnan i kompanianan anónimo. E resultadonan neto di  benta di tur kompania anónimo i propiedat di gobièrnu, mester keda aktivá riba kuentanan apuntá pa e Entidat di Karibe. Raymond Knops for di yüli 2019 a instruí Kòrsou pa traha ku e instituto Invest NL. Invest NL ta e entidat establesé pa kabinete Rutte.