Kralendijk—Ayera mèrdia e Sentro di Reskate i Kordinashon di Wardakosta a risibí un notifikashon di polis na Boneiru ku un persona lo a bira malu i kai den mondi di Boka Onima.

 Famianan di un hòmber di 67 aña a yama polis pa indiká ku un miembro di nan famia a bai yag i bira malu den mondi, a konsekuensha di kalor. Na momento ku e hòmber a sinti malu, el a kai i no por a kana mas. E hòmber a yama su famianan via telefon selular pa indiká ku e ta den mondi na Boka Onima i ku e mester di yudansa urgente. E Sentro di Reskate i Kordinashon di Wardakosta a dirigí e helikòpter urgente pa yuda e hòmber mas lihé posibel. Na yegada na e sitio nan a enkontrá e hòmber unbé i a his’é pa bai kuné den e helikòpter. Mesora e helikòpter a bai direkshon di èrpòrt di Boneiru kaminda tabatin un ambulans wardando riba e víktima pa transport’é pa hospital.