Rio Canario—Un kantidat di 10 persona a keda atendé den kuadro di e kampaña , Aktua Robes Sintié un Bes. Esaki konforme un komunikado ofisial di polis.

Ta trata di 9 yu di Kòrsou i un hòmber kolombiano, kendenan durante wikènt di Marcha Hubenil a aktua robes. Pa lokual ta trata e infrakshonnan tabata trata di korementu di bròmer òf skuter sin reibeweis òf dokumentashon nesesario, pa kual 5 persona a kometé infrakshon. Ta trata di un dama, ku tabata kore bou di influensha i kuater hòmber demas kendenan a kometé infrakshon tambe. E infrakshonnan a tuma lugá den área di Samira Building, Mirla Plateweg, Rooseveltweg, Piet Heinstraat i Boerhavenstraat.

Pa violashon di opio a detené 3 hòmber den área di Brion City Hotel, Roodeweg i De Ojedastraat. Tur e 3 hòmbernan ta nasé na Kòrsou.  Riba violashon lei di arma di kandela i poseshon di munishon, tabatin un detenshon di un hòmber nasé,e na Kòrsou. E detenshon a tuma lugá riba BrionPlein. I por último, polis a detené un hòmber mas den Boerhavenstraat pa destrukshon.

Di e 10 personanan kende a keda atendé pa polis, 4 a risibi un dagfar. Pa lokual ta trata e multanan e suma a yega na Nafl. Dos di 680 florin i unu di 250 florin. Ministerio Públiko ta pendiente un desishon riba enkarselashon.