Meskos: nada no a kambia.

Dokweg—Yüni próksimo ta kumpli 3 aña ku e dòk bieu instalá pa Damen ta bou di awa. E instalashon a bin senk despues di fayonan tékniko okashonando bèrgwensa internashonal pa e kompania ulandes ku finalmente a bin atmití e defisiensia di e dòknan instalá.

Te ku ayera ainda e dòk ta bou di awa, sin ku Damen por logra restablesé. Damen te ainda, for di nan yegada no tabatin niun bon notisia na Kòrsou, lantando ola di spekulashon. E aña aki tei kumpli 3 aña dje tragedia den dòk, okashoná pa un instalashon defisiente. Na mei 2018 a trese e dos dòknan ku hopi espektativa i den apénas 2 aña, unu di e dòknan a resultá bou di awa.

Tabata durante siman di 13 di yüni 2020, nèt despues ku e trahadónan di dòk  a kaba di hasi algun trabou di mantenshon na e Toubot Baracuda e dòk a bin senk ku nan riba dje. Tabata na momento ku e toubot Baracuda a bai pa bandoná e dry dòk chikí e revolushon di  motor di e boto a bai dje haltu ei kual a pone ku e stroom  di awa di laman a bai subi pone ku awa a bai resultá den e kashi di koriente di e dòk flotante. Esaki a pone ku a  surgi un korto sirkuito pone ku tur sistema a bin kai afó. Esaki a pone  ku e dòk a bai fondo di laman ku tur e trahadónan riba dje.

Ta trata di un di e dòknan kuna 2018  pasa a bini for di Hulanda esta esun di mas chikí ku ta wòrdu usá pa hasi mantenshon nan chikitu. Por a kòrda klaramente kon tabatin gritu ku tabata trata di Dòknan usá esta dòknan bieu fo’i segundo guera mundial.  Pa lokual ta tata e parti di e trahadónan riba e dia en kestion, mesora a kuminsá ku e parti di reskate na unda a  logra saka dos di e trahadónan ku a sufri leshon i mesora a keda transportá ku ambulans pa CMC pa asina por haña asistensia médiko. Tabatin un trahadó a keda pega den e dry dòk pero despues di un ratu e la wòrdu reskatá i tabata den bon kondishon. Otro kuater trahadó ku tambe tabata laborá riba e dòk ku  tin e tarea pa los kabuya pa na momento ku e toubot tabata bandoná e dry dòk a keda pegá den e left. Nan a keda pegá pa basta ratu den e left pero na final nan a keda reskatá.

Ta for di yüni 2020 e dòk ta bou di awa i Damen a stòp di informá pueblo riba e situashon miéntras ku tur pronóstiko di negoshi tabata dirigí riba operashon di e dos dòk.