St Helena,– Awe den oranan di mèrdia tabata tin un bringamentu formal ku a tuma lugá.

Despues ku skol a terminá un bringamentu formal a tuma lugá riba Plenchi Ronchi Isa den área di Maria College i MIL. Segun videonan ku ta sirkulá riba ret sosial, dos damita menor di edat lo a kuminsá bringa i dado momentu mama di un dje damitanan tambe lo a drenta den e bringamentu.

Ta asina ku despues di e bringamentu entre e dos damitanan, e mama di un dje hóben lo a konfrontá un di e damanan eskolar. Segun informashon, e damita lo a dal e mama i akinan e bringamentu entre e mama i e damita lo a kuminsá.

Por sierto esaki ta un otro kaso di violensha ku a tuma lugá e aña aki entre studiantenan menor di edat. Ta asina ku aña eskolar 2023-2024 a inisiá ku studiantenan lo a bringa formal.