Willemstad—-Dia 11 di desèmber 2020 e reglamentu rondó di e Lei di emergensia a keda aseptá dor di Parlamentu. Esaki a krea espasio pa polis i Ministerio Públiko tuma medidanan punitivo. Den e triangulo, ku ta e deliberashon entre Minister di Hustisia, polis i OM, a palabrá kiko e sanshonnan ta i kon polis lo bai aktua.

Te ku awor a drenta un kantidat di 158 prosès verbal na OM di personanan ku no a tene nan mes na e medidanan relashoná ku covid. E sumanan ta varia entre 500,- pa 5000,- florin. E medidanan aki ta konta tambe pa e dianan benidero, pa kambio di aña i tambe aña nobo tin un toque de queda 9.00 ‘or di anochi te ku 04.30 ‘or di mainta i polis lo kontrolá severamente. Esnan ku no mantené nan mes na regla ta riska un but pisá. Si no paga e but lo mester presentá dilanti hues i e montante ku mester paga lo ta mas haltu. Ministerio Públiko lo hiba un maneho di sero toleransia pa loke ta trata violashon di e medidanan di covid.

Na kontinuashon ta presentá e montantenan di transakshon i kiko polis lo vigilá den interés general di salubridat públiko na Kòrsou.