BRABANT—Den e bodega ku a kima siman pasa na Brabant, a resulta di tin un laboratorio di droga.

E habitante di e kas riba e tereno a keda detené. E kandela feros a lanta djaweps anochi den e bodega di palu den bario Zevenbergschen Hoek. Tabatin eksploshonnan tambe den e kandela segun Omroep Brabant. Finalmente brantwer a logra paga e kandela. Spesialistanan di LFO, un team di polis ku ta akumula material di prueba den kaso di lab di droga, a deskubrí ku den e edfisio tabatin un lab di amfetamina. Polis a haña gran kantidat di droga sintetiko entre otro 180 kilo di pasta amfetamina, pero tambe material pa produkshon di droga sintetiko. Tabatin vario pakete ku kimiko segun kordinadó di droga sintetiko a bias Brabants Dagblad. Djies despues di e kandela e habitante a transporta un outo yen di droga. Agentenan a haña e outo den e area. E habitante lo mester presentá dilanti hues komisario ku mester determiná prolongashon di su aresto.