WILLEMSTAD,—-For di un kanal figo Vigilante Farandula a keda pone na altura ku otro siman djasabra pa  7 or di anochi agrupashon musikal ERA Outéntiko lo bai tin un presentashon den Kurason di Karnaval ku ta den e bario di Marchena.

No ta un sekreto ku ya pa basta aña tin ambiente den kurason di Marchena i esaki a krese para bira un aktividat ku a bira un tradishon. Kaminda ku pueblo kompleto den su totalidat ta bai Marchena pa asina nan por gosa i sperando asina poko,poko pa e momentu di bèrdat mes yega.   

Ya for di wikènt tras di lomba por a kuminsá sinti a ambiente i kalor di Karnaval den Marchena,kaminda ku tin hungamentu di dominó,pero tambe por tuma nota di e union ku tin entre famia nan kon dushi nan ta hala mara ku otro. Pero esaki no ta tur kos ku ta bai tuma lugá otro siman den Marchena.

Vigilante Farándula a keda pone na altura ku aparte di agrupashon musikal ERA Outéntiko lo bai tin algun otro sorpresa mas tambe. Pero fuente no ker a duna mas informashon di tur loke ku ta bai tuma lugá otro siman djasabra,paso ainda falta algun negoshashon ku tin ku kaba di tuma lugá. Pero loke ku si ta 100% konfirmá ta e presentashon e rei nan di ambiente ku tambe lo bai tei huntu ku nan e kantante ku a haña su nòmber nobo “E mucha na hel” ku ta “Nani/Jef” Manuela,ku lo bai ta hinter  e temporada di Karnaval ku agrupashon musikal ERA.