Jose Jardim, direktor general CBCS Banko Sentral.

Skalo—For di medio 2021, Banko Sentral a papia ku Banko Sentral na Hulanda. Esaki ta lokual por konklui for di tratamentunan den korte. E intento di bati na porta di “Neerlandes Bank” no a duna muchu fruta.

Tabata na Sèptèmber 2021, ku Banko Sentral a splika korte di no ta mira muchu espektativa pa Ennia. Segun nan deklarashon den korte nan tin diferente opshon. Entre nan ta benta di algun aktivo di e konsorsio inkluso Banko di Caribe i Mullet Bay na St. Maarten. Dr. Jose Jardim, direktor general durante nan último rueda di prensa na Skalo a konfirmá ku tin aktivo di Ennia Caribe Holding na benta. Un otro alternativa ku a bini dilanti den korte ta Hulanda. Pa ta mas spesífiko tantu abogadonan komo direktornan di Banko Sentral a konfirmá den korte ku nan tabatin Hulanda komo alternativa. For di inisio di 2021 a inisiá kòmbersashonnan ku Hulanda . CBCS a hiba deliberashon ku Banko Sentral Hulandes, Nederlandse Bank i tambe ku gobièrnu di Hulanda. Segun CBCS mester garantisá interes di e tenedónan di pólisa.

Ku esaki, Hulanda tabata for di 2021 un alternativa pa Banko Sentral por logra skapa Ennia Caribe. No ta konosí den ki forma Hulanda lo mester yuda Banko Sentral, pero durante e último maneho emergente na Giro, Hulanda a pone na disposishon un fiansa di 170 mion florin, kual a bai pafó di e pakete di sosten finansiero den kuadro di Covid. Banko Sentral, CBCS, for di yüli 2018 no ta biniendo kla pa rekuperá Ennia i den korte sivil,

E partidonan tin 5 aña ta diskutí riba e problema di solvabilidat pa kobertura di e kolektivo di pólisa na Ennia. Segun Banko Sentral, por lo ménos 1.2 miar a wòrdu saká for di e kompania kontra di areglonan di kobertura i grupo Ansary i eks direktornan na Ennia tabata ninga di koperá pa trese e aktivo bèk. En realidat, Grupo Ansary a invertí despues den algun aktivo na Estádos Unídos bastante sólido, entre nan Kirby Corporation i despues Nabors Industries. Segun Grupo Ansary, CBCS ta tuma demasiado largu pa por manehá e kompania bou di kondishonnan emergente i ta kousando e dañonan nesesario.