Empleo: Global ta un kompania serio i renombrá. E intenshon pa kuminsá produsí asfalt ta plania pa kuminsá durante promé kuartal di 2024.

ISLA—E yegada di Global Oil Management Group ta habri porta pa mas empleo na CRU. Esaki ta lokual un presentashon ku CRU a den kuadro di e kontrakt ku Global.

Ta pronostiká diferente fase di empleo na CRU. Por ehèmpel durante e periodo di rekonstrukshon i drechamentu di e plantanan, ta mustrando ku CRU ta bai tin mester di 80 empleo adishonal. I despues ku finalisá e rekonstrukshon pa inisiá produkshon, ekspertonan na CRU ta pronostiká un oumento den nan personal di 265 pa 340 hende. Esaki ta un oumento di por lo ménos 30%.

Segun e presentashon, ta inisiá ehekushon di kontrakt riba 1 di yüli próksimo. CRU tambe tin un kontrakt ku Global. Ta kuminsá ku rekonstrukshon kual ta tuma 9 luna na enkargo.  E fase di rekonstrukshon ta enserá, finalisá proseso di inspekshon di tur e fasilidatnan ku Global ta bai uza, kumpra material nesesario,ehekutá tur reparashon na e fasilidatnan utilisá i instalá ekipo nobo pa e proveé e struktura pa vaporashon (Propano i Butano). Ta kalkulá e invershonnan inisial entre 20 pa 30 mion dòler estado unidense. Ta pronostiká e produkshon kuminsá durante promé kuartal di 2024 unda ta planeá pa produsí 20 mil bari di asfalt diario.

Manera Vigilante a splika for di aña pasá e grupo no ta interesá den e lago di asfalt sino ta trata di produsí derivado komo asfalt for di krudo prosedente di Venezuela. E grupo ta pensá na aktivá un parti chikí di e planta na Refineria isla unda por tin kupo di trabou di entre 150 pa 175 persona, dependé resultado di e faktibilidat. Na inisio segun RdK tin kupo pa por lo ménos 300 kontratista. Global ta konosí pa nan komersialisashon di asfalt via di nan kompania mama, Global Oil Management Group. Tabatin  diferente rumor sirkulando riba posibilidat di produkshon di asfalt. E grupo Global, a mustra hopi interes na inisiá un planta pa prosesá asfalt i upgrading di un sekshon riba Refineria Isla pa kuminsá produsí asfalt i eksportá esaki. Pa ekonomia di Kòrsou e posibilidat aki ta unu oportuno pa krea kupo di trabou pero tambe pa yuda mantené e reserva di divisas.

E tareanan nobo pa CRU lo no afektá struktura di e kompania. Durante rekonstrukshon i remodelashon di e planta, ta traha ku dos organisashon paralelo. Esun ku tareanan normal diario di CRU un otro di Rekonstrukshon. Ta trata di un kantidat di 80 persona kende ta keda enkargá ku e fase di rekonstrukshon. Nan ta konsistí di personal aktual di CRU, persona (temporal) i Ekspertonan.