WILLEMSTAD,—-Inkredibel Events Kultural a habri  su inskripshon pa e evento di Bos di kunuku 2024 i Maramentu di lensu pa e aña 2024. Tur aña di nobo Inkredibel Kultural ta engrandese Kultura ku diferente eventonan kultural   i aña aki no ta un eksepshon.

For di awe te ku 10 di febrüari binidero por hasi inskripshon pa partisipá na  e kompetensha di kanto di seú pa hóbennan ku ta Bos di kunuku i  e kompetensha di Maramentu di lensu. Edat pa partisipá na Bos di kunuku ta 10 pa 16 aña di edat i pa maramentu di lensu no ta mara na edat persona di tur edat por partisipá.

E fecha di e aktividat Kultural aki ta dia 24 Mart próksimo i lo ta un kombinashon di Kompetensha di maramentu di lensu i e kompetensha pa Bos di Kunuku ku ta e kompetensha di kanto di Seú pa e hóbennan. Lo bai tin workshopnan kultural i reunion nan informativo pa tur partisipante nan haña tur detaye tokante e partisipashon na e kompetensha nan. Pa informashon di inskripshon por yamá/app Shurendi na 662 9958 òf Naomi na 514 8788 pa por hasi bo inskripshon preliminar den un forma digital/online.