Nos a bin ta traha pa 60 ana kaba riba historia di sklabitut di Afrika. Pero, nos falta mas konosementu di islanan di Karibe.

Willemstad, — Durante un enkuentro ku UNESCO, Anne Lemaistre, a duna di konosé ku e ta sinti ku islanan karibense ta isolá for di Afrika. E dama a splika entre otro ku konekshon ku Afrika ta sumamente importante mirando ku personanan sklabisá a bini for di e region aki.

E dama Anne Lemaistre, kual ta direktora i representante di Ofisina Regional di Kultura pa Amérika Latino i Karibe, i tambe di Ofisina Multipais del Caribe Latino (Cuba, Repúblika Dominikana i Haiti), a duna di konosé durante e enkuentro di Komishon nashonal di Unecso aki na Kòrsou ku e ta sinti ku islanan Karibense ta isolá for di Afrika, esaki miéntras e konekshon aki ta sumamente importante mirando ku personanan sklabisá a bini for di e region aki. E dama a bisa ku e no sa pakiko pero “ora mi tabata na Afrika mi a sintimi isolá for di e region Karibense pero unabes mi tabata riba un isla di Karibe, mi a sintimi isolá for di Afrika”.

Pues den un entrevista ku e dama a puntr’é si e por elaborá riba esaki i e dama ta bisa ku na UNESCO a hasi trabounan grandi durante di 60 aña largu den kual a hasi investigashon di historia di esklabonan afrikano. E investigashonan a keda hasí dor di historikonan Afrikano, e dama ta bisa.  Nos a hasi investigashonnan riba historia di esklabonan pa Karibe tambe, pero dokumentashonnan no ta hopi, Anne Lemaistre ta bisa. E dama ta splika ku den e programa  di UNESCO ke duna dignidat bèk na hende pero tambe pa generá konosementu tokante di historia. Na selebrashonnan di trabou ku a ser hasí riba konosementu di Afrika a nota ku no tin masha riba informashon di Karibe. Pues 31 di mart próksimo na Aruba, ke pa ekspertonan Afrikano uni ku ekspertonan di Karibe.

E dama ta splika ku e ta haña ku e unifikashon entre Afrikanonan i Karibensenan lo ta interesante pa interkambiá informashon i uni konosementu. Esaki lo ta un koperashon inter-kontinental di Afrika i Karibe. Ta spera ku investigashon lo desaroyá for di e unifikashonnan aki pero e dama ta splika ku ke bai mas leu. Anne Lemaistre ta bisa ku por ehèmpel na Afrika, a yega na traha riba kartoon pa muchanan den kual a transmití e konosementu di pasado na muchanan i pues ke mira e kompartimentu di informashon di pasado tambe den Karibe.