Algun di e nuebe beibi nan ku e mama a duna lus na dje apesar di tabata spera shete.

MALI – Un muhé di Mali, na Afrika, a kombertí su mes den mama di nuebe beibi despues di duna lus na sinku mucha muhé i kuater mucha hòmber na un hospital di Marueko, apesar ku e tabata spera solamente shete.

Halima Cisse, a mustra e ekografia den kua dòkter nan no a detektá e otro dos beibi nan durante su skèn i kontrol nan médiko nan. Segun a indiká, esaki nan a skonde den matris di e mama.

Na luna di mart tras di lomba, e hóben di 25 aña, a keda trasladá den avion for di e pais di Afrika Oksidental pa Maruekos, pa asina risibí atenshon spesialisá. Den ora nan di djamars tras di lomba esaki a duna lus na su 9 beibi nan, hasiendo un operashon.

E notisia aki sigur a bira konosí i publiká pa diferente medio nan di komunikashon rònt mundu i tambe riba diferente retnan sosial. Hopi tabatin nan propio pensamentu pa ku e situashon i apesar ku den hopi kaso e ta difísil di imaginá, tòg ta algu ku hopi a felisitá e mama i deseá tantu e komo tur su nuebe beibi nan resien nasí,tur loke ku ta mihó.