E trofeo ku diferente personahe a risibi.

Punda- Den un intento pa hasi un bon, un organisashon sosial di hóben a emití un premio “Izzy Gerstenbluth”. Esaki tabata un evento unda personahenan ku a sobresalí ta risibi e premio. Pero, e idea no tabatin e bendishon original di e epidemiologo kende tambe a wòrdu invitá na e evento pero manera e mes a bin splika” ma keda sorpresa ku tabatin hendenan kende a risibi premio ku ami no tabata konosé”.

Anke tabata un bon gesto, e idea no tabata unu kual Gerstenbluth tabata sa di dje. Na promé instante a invitá e médiko eksperto pa e evento. Pero e la splika Vigilante ku e la pensa ku tabata un gesto na su persona. Kontrali na esei e organisashon a kuminsá duna mas personahe, entre nan polítiko tambe e premio. Ta trata di un trofeo ku e kara di Gerstenbluth ariba.

Ayera Vigilante a aserka Gerstenbluth riba e polémika. E la duna di konosé di ta komprondé e gesto kompletamente i tabata presente pero e no ta kómodo k’e idea di a uza su nòmber pa duna mas persona homenahe uzando su nòmber. E posishon ta lógiko tambe. Gerstenbluth ta un sientífiko den servisio di gobièrnu. Ademas na e momentonan aki e situashon di pais ta delikado rondó di Covid. Apesar ku e organisashon sosial tabatin bon intenshon, e arena polítiko rondó di Covid na e  momentunan aki ta delikado.