Back to Top
Responsive image
E korant di pueblo

No tin lei seku mas i toke de keda a bira 11’or anochi


January 12, 2021 • 1 minüt pa lesa

Willemstad,– Durante rueda di prensa di gobièrnu ayera, promé minister di Kòrsou señor Eugene Rhuggenaath a trese dilanti ku komunidat a konosé un fin di aña ku tabata diferente na lokual nos a kustumbrá kuné semper pa asina kuida nos mes di Covid 19.

Señor Rhuggenaath ta gradisí pueblo di Kòrsou pa e koperashon i pa e echo ku pueblo a demostrá ku apesar di kon duru esaki, nos a sa di kuida.

“Awe nos por wak bèk riba un resultado hopi bon i ku ta den e liña ku nos ta deseá”, asina promé minister Rhuggenaath a splika.

Den mesun rosea promé minister a anunsiá mesora bisando ku ta bai suavisá e medidanan ku a drenta na vigor den desèmber aña pasá.

Señor Rhuggenaath a bisa ku Toke de Keda a bira 11’or anochi pa 4.30 mainta, pues e 9’or di anochi a bira 11’or.

Pa loke ta e lei seku el a bisa ku apesar ku esaki a keda anulá, ta keda importante si pa kada persona limitá nan konsumo di alkohòl na un kantidat seif paso uso di mas di alkohòl por stroba bo sano huisio i enkurashá un komportashon ku por evitá distansia físiko di dos meter for di otro. Pues bebe na midi i keda apliká e regla di distansia sosial.

Login