ROTTERDAM—Kartelnan di droga sur-amerikano a muda nan kontrabanda i produkshon pa Oropa.

Den Hulanda tambe tin un organisashon di importashon ilegal di droga pa gruponan kriminal, ku ta birando mas fragmentá. Esaki segun un investigashon di un kolektiva di reporteronan investigative internashonal. Narco Files ta nòmber di e investigashon grandi di reporteronan riba kontrabanda di kokaina den medio/sur Amerika pa Oropa. E investigashon ta indiká ku e kartelnan di droga den Colombia a bira mas fragmentá i ku e trafikashon ta sosode pafó di Colombia, por ehempel for di Mexico. Den Narco Files ta investigá un liña di droga pa Hulanda, ku ta keda kordiná pa e trafikante meksikano Paul Bohorquez (Sodapuppy) segun hustisia hulandes. E ta regla tambe e produkshon i benta den Hulanda. Den mart 2020 a deskubri un laboratorio ku e organisashon tabata usa pa produkshon di droga na Poortvliet.