Patrick Newton ta bisa ku bèrdat ta duidelijk ku nan ta keda na mitar di e “uitstoot” i no mester ta niun problema.

Nieuwe Haven,– Segun deklarashon di e direktor di RdK ta asina ku hues a bisa ku miéntras no tin lei ku mester keda bou di 40, nan lo por sigui ópera i pues ku produkshon di e asfalt aki nos ta keda bou di 40. “Nos ta preparando, pero ta keda den man di hues, nos no sa si nan ta bai hasi un kaso, pero nos ta bon prepará”, asina Newton a splika.

Patrick Newton ta bisa ku bèrdat ta duidelijk ku nan ta keda na mitar di e “uitstoot” i no mester ta niun problema. “Nos ta bai start e refineria i finalmente e tin ku bai drai kompletamente riba gas. Loke tabata pasa den pasado esta ku tabata usa “Pitch” no por mas i bo ta baha e SO2 masha hopi mes i bo ta keda den e liña di maneho di WAO”, asina Newton a duna di konosé.

E ta splika ku ya e lei a bai pa aviso i ta spera ku muy pronto e lei ta kla i asina tur hende sa na kiko nan ta mara na dje.

“Nos ta startop e asfalt na kuminsamentu di 2024, awor aki ta bai kuminsá ku full reparashon”,pues direktor di RdK senor Patrick Newton.