Presidente di parlamento Charetti America Fransisca.
Willemstad,– Presidente di parlamento Charetti America Fransisca a splika parlamento ku na momentu ku tin reunion ku servisionan di gobièrnu sin presensia di minister den mayoria kaso esaki ta bai ku un tanda di pregunta so.
E ta splika ku ta pa e motibu ei e reunion a ser yama ku un tanda. Presidente ta pone e proposishon nan di Girigorie na votashon i parlamento no a bai di akuerdo ku e promé proposishon i e ora ei di mes tampoko ku e di dos ku ta mara na e promé. Presidente ta bisa ku den tur kaso parlamento por bini ku proposishon pa kambio i por disidí otro. E ta splika ku lamentablemente durante votashon por a tuma nota ku parlamento no a bai di akuerdo ku e promé proposishon i konsekuentemente tampoko kue di dos. Seguidamente a sigui ku e presentashon di señor Martina di CMC ku a amplia riba tantu e situashon finansiero di CMC komo e situashon di kuido.