Hushang Ansary: kasi 1 bion florin invertí den dos kompania despues di a saka su invershonnan for di Ennia Caribe Holding. Riba e foto papiando ku su abogadonan.

NIEUWE HAVEN—Ansary, kende ta direktor ehekutivo i propietario mayoritario di Parman Group Internashonal, tin su bolsa di akshon (aktivo bolante), repartí den dos invershon mionario. Ta trata di Kirby Corporation  i Nabors Industries, dos kompania anotá riba bolsa di balor na Estádos Unídos.

Parti di e invershonnan ta prosedente di ingresonan ku Ansary a logra for di ganashi na Ennia Caribe Holding, pero tambe a laga Ennia Caribe Holding invertí nan parti den Kirby. Te ainda, e struktura bou di kual e invershonnan a subi bolsa di balor no ta kompletamente definí durante e tratamentunan den korte, kual a inisiá for di 2018. Pa lokual ta trata e balorisashon di e aktivonan di Ansary, ta prekalkula esakinan alrededor di 440 mion dòler estado unidense.

Grupo Ansary a atkerí interes den e dos kompanianan despues di a bende su akshonnan den Stewart & Stevenson, e kompania kual e la laga departamento di invershon na Ennia kumpra partisipashon. Ta trata di un invershon ku grupo Hushang Ansary a hasi durante kasi mesun periodonan pa atkerí Kirby Corporation via Ennia i despues Nabors Industries. Na e momentunan aki, tin un konflikto sivil serio pa CBCS por logra ehekutá benta riba propiedat i aktivonan di Hushang Ansary. Tantu Parman International komo Banko Sentral a apstené di bai mas profundo den korte riba algun di e invershonnan di Hushang Ansary, durante tratamentunan. No solamente den Kirby Corporation sino tambe den un di dos kompania, Nabor Industries. Nabor Industries pa un motibu òf otro,  a keda kasi pafó di Korte.

Tur e kompanianan ariba menshoná tabata forma parti di e konsorsio di Parman, kual Hushang Ansary tin mayoria akshon i ta ainda ta doño di Ennia Caribe Holding na Kòrsou. E grupo di Ansary, ta wòrdu manehá pa direktornan di e kompanianan di Kirby Corporation, Nabors Industries i su yu muhé, Nina. Parman a hasi  traspaso di interes bionario den konstelashon di grupo Parman di Ansary. E promé ta benta di akshon entre Stewart and Stevenson (Parman)  ku Kirby Corporation. E di dos ta konserní atkishon di 8.8% di grupo Ansary den Kirby Corporation. E di tres ta konserní atkishon di 6.7% di grupo Ansary den Nabors Industries. En total ta trata di traspaso di aktivonan balorá na 970 mion florin.