WILLEMSTAD,—-No ta un sekreto ku djadumingu awor lo bai tin apertura di Siman di kultura, kaminda ku na diferente parti di Kòrsou lo bai tin hopi aktividat.

Ta asina ku Sentro komersial Sambil sigur no ke keda tras. Nan tambe lo bai dediká sinku dia na Siman di Kultura 2023, ku ta kuminsá for di djadumingu aki, kaminda ku lo bai tin Kaha di Òrgel di Joel. Esaki ta kuminsá for di 1’or di mèrdia.

Djamars nan lo bai tin un evento kaminda ku señora Dina Veeris lo bai duna splikashon. Esaki ta kuminsá 6’or di atardi. Djarason lo bai tin e tradishon ku tin e kaya bon dominá. E tradishon di 4’or pa 6’or di atardi. Djabièrnè lo bai tin un evento workshop i djasabra lo bai tin ambiente musikal ku Quincy ku su kitara.

Den e forma aki sentro komersial Sambil tambe ta duna su aporte na e Siman di Kultura, kaminda ku lo bai tin sinku dia di evento den kombinashon ku ambiente. Kòrda ku e tradishon di tur djarason, lo bai hiba di nòmber “Beter pa tur tokadó XL”.

Vigilante Farándula no por kompartí nada di esaki. Ta bo mes mester ta den Sambil djarason awor, pa bo sa ta kiko nan ke men ku e asuntu menshoná. Kòrda ku wak pa bo tei den e lugá, pa asina ningun hende no mester bin konta bo kon dushi i bon nan a pasa.