Tweede Kamer ta haña posishon di e islanan inaseptabel.

DEN HAAG—Kòrsou, Aruba i Sint Maarten mester para nan resistensia kontra e matrimonio di mesun sekso, segun un mayoria den Tweede Kamer.

Apesar di diferente verediktonan di korte e islanan ta keda kontra introdukshon di e matrimonio di mesun sekso. E islanan kier bringa esaki ten a Hoge Raad. Pa Tweede Kamer esaki ta inkomprendibel. VVD, D66, PvdA, Groenlinks I JA21 ta hasi yamada riba e sekretario di estado Van Huffelen pa papia ku e islanan pa para e resistensia kontra e matrimonio. Van Huffelen a bisa ayera ku den henter Reino no mester ta importante ken bo stima i ken bo kier kasa kune. Na Hulanda e diskushon ta tras di lomba. Van Huffelen ta mira ku na Kòrsou, Aruba i Sint Maarten no ta asina leu den debate. Na desèmber Hof di Hustisia a husga den dos kaso ku e islanan mester hasi esaki posibel.

E gobièrnunan den islanan Karibe ta ninga i ta bai kasashon kontra e veredikto. Formalmente Hulanda no por hasi masha. Reino no ta un estado colonial segun Rutte. Pero su propio partido no kier entrega. Islanan Kòrsou, Aruba i Sint Maarten ta outónomo pero tambe semper nan sa kon pa haña nos, segun parlamentario Kamminga. E ora ei si nan kier ta un reino. Pues, nan mester ta un reino tambe ora ta trata matrimonio di mesun sekso, segun e parlamentario. Parlamentario Kuikekn (PvdA) tambe ta haña difísil pa traga ku e islanan ta hasi difísil. Van Huffelen mester papia ku nan i splika ku nan posishon ta inaseptabel. E otro partidonan tambe ta di opinion tambe ta haña ku tur hende den reino mester haña mesun trato. Van Huffelen ta bisa ku e tema ta den diskushon kaba ku e islanan. E kier pa e islanan bini ku un alternativa obligatoriamente, por ehèmpel un registro di e relashon.