PUNDA– Dia 10 di òktober próksimo 9 or’ di mainta, Yves Cooper ta bai tene un manifestashon pasífiko ku e tema INTEGRIDAT.

E ke pidi gobernador pa kita nòmber di tur e hendenanan manera Jaime Saleh for di e ‘Lista di Palasio’. Riba e lista ei tin nòmber di sierto hende ku aparentemente ta íntegro. Segun  Yves: “Gobernador sa bon bon ku nan ta shouru pero e ta keda invitá nan pa bin palasio ora tin ko’i selebrá”.

Si ABO ta íntegro, Yves ta suplika pa ban kuné dia 10 awor i laga gobernador mira kuantu hende íntegro tin na Kòrsou ku NO ta riba su lista. E ta bisa ku e úniko manera pa atendé ku hendenan manera Jaime Saleh i Ralph Palm ku a yuda Ansari kue plaka di penshun di hendenan segurá na ENNIA i otronan manera Emsley Tromp ku a bira kara i laga Ansari hasi su kos,  ta si kita nan nòmber for di e lista.