DEN HAAG—Ayera nochi 21.00 gran parti di gabinete a reuni na ministerio di premier Rutte pa konsulta ekstra riba medidanan pa migrashon.

Esaki ta un esfera di krisis. Visepremier Hoekstra (CDA), Kaag (D66) i Schouten (CU) tambe tabata presente. Partidonan di koalishon ta sinta semanalmente pa papia riba medidanan ku mester limita asilo. Esaki ta dura algun luna, pero partidonan no por sali afó. Djis promé ku reseso di zomer e tenshon a oumentá. Prinsipalmente dor di VVD ku a bini ku un deadline di djabièrne. Den VVD mes no ta eskluí kaida di gabinete. Premier Rutte kier un deal di asilo stringente sino e ta kibra gabinete. Di un banda ta strategia di negosashon pero den otro partidonan nan ta sorprendi ku e risiko ku Rutte ta tuma. Rondó di gabinete tin diferente zonido. Nan por yega na akuerdo riba un proposishon. E partidonan di koalishon a reparti e dossier di migrashon den 4 kapitilo: labor, estudio, amor i asilo. E komersashonnan riba e prome tres kapitulo ta kana bon. Pero e dossier asilo i fluho di solisitantenan di asilo no ta kana bon. Rutte a priminti su partido di hasi algu kontra e gran kantidat di hende ku ta pidi asilo. CDA ta kere ku mas medida ta nesesario manera un segundo status manera na Belgika ku Alemania. ChristenUnie no ta haña e meidanan nobo nesesario mientras no ehekuta medidanan eksistente. Ainda Tweede Kamer mester aproba e lei di repartishon. Meskos ku D66 e partido ta haña ku refugiadonan mester haña derecho di traha mas lihe.