Miembro di direktiva di VAE a indiká ku botikanan mester wòrdu respetá i ku botikanan tei pa sirbi pueblo.

Willemstad, — Direktiva di VAE a duna di konosé, den reda di prensa dia 23 di novèmber último, ku nan tambe lo proseder kontra di gobièrnu di Kòrsou.

Bram Niessink, presidente di Vereniging Apothekerseigenaren (VAE) ,a duna di konosé ku a mira ku gobièrnu a disidí di hasi un wisio sumario. Bram Niessink a komentá ku VAE a tuma akshon propio pa asina habri portanan di botika pa duna servisio na komunidat, pero ku nan tambe tin pensá pa hasi un wisio sumario kontra di gobièrnu. Jonathan Middelhof, miembro di direktiva di VAE a bisa ku e direktiva di VAE ta enkurashá gobièrnu pa drenta un wisio sumario ya komo VAE tambe a tuma su pasonan pa kana e kaminda aki.

Miembro direktiva VAE a kompartí ku miembronan ta konsiente di akshonnan ku ta tuma, pero ku lo sigui tuma pasonan huntu ku personal asta den orario nobo di e botikanan. Tambe a duna di konosé  ku trahadó di botika ta yam’é konstantemente rabiá puntrando dikon ta bai habri portanan i duna servisio kaminda no  ta haña rekompensa di SVB pa diferente trabou ku ta hasi. Finalmente a segun informe, te ainda e trahadónan di botika ta para duru tras di nan opinion.

Ayera entretantu mediante nan abogadonan Braam i Pols gobièrnu a entregá un sitashon pa wisio sumario mientras botikarionan ta bai den rekonvenshon.