Nieuwe Haven na unda e kònteiner a slep baha for di e trèker.

Willemstad— Polis mester a bai riba Nieuwe Haven na altura di e lusnan di tráfiko na Biesheuvel pa tuma nota di un situashon unda un kònteiner mester a los for di un trèker.

https://fb.watch/qNuob5u2vU/ (Klik pa wak e video. Follow facebook vigilantekorsou.

Ayera den oranan di atardi a pidi presensia di polis riba Nieuwe Haven pa un situashon ku a surgi na unda un kònteiner mester a los for di un trèker ku tabata hal’é. E shofùr mes a deklará ku ta den spil e la bin tuma nota ku e kònteiner a  slep baha for di su  trèker. Esaki a pone ku mesora e la kue brek i pidi  asistensia. Polis mester a sera e kaya pa asina un kran grandi por a yega na e sitio pa lanta e kònteiner di manera ku un otro trèker por a transportá esaki for di e sitio. Miéntras e kompania di transporte mesora a kuminsá ku nan investigashon pa saka afó kiko a bai robes pone ku e kònteiner a kita for di tras di e trèker.