Aplikashon pa bestèl kuminda via telefòn.
Willemstad,– Dia 19 di mart KFC Salina a duna un reda di prensa den kual a anunsiá lansamentu di e ‘mobile ordering app’ kual ta pone ku klientenan por hasi pedido di forma digital.
KFC ta introdusi ‘mobile ordering app’ kual ta fasilitá pedido i òrdunan di un forma digital. E app aki por wòrdu di download via Google Play store òf Apple Store. E promé kos ku e kliente mester hasi ta indiká unda e kliente ta pa haña e restorant mas serka pa e kliente bestèl. Na momentu ku kaba di yena datos por hasi e pedido. Lokualnan mester keda yená ta entre otro su nòmber, fam, number di telefon i e-mail adrès. Via e e-mail adrès e kliente ta haña konfirmashon di su pedido na momentu ku esaki kaba di bestèl. Tambe e app ta duna indikashon na kua momentu e kliente su pedido ta kla.
E kliente por skohe pa ‘order delivery’ i òf ‘pick up’. E kliente mes por indiká kuantor e ke pasa tuma kuminda i òf e kliente mes por disidi ki ora KFC por entrega pedido. Na momentu ku primi ‘pick up’ ta sali un lista di tur kos ku e kliente por bestèl na KFC. E montante ta keda mustra riba e screen den e app. I ora e kliente ta kla ku su pedido e por check out. Na informashon adishonal den e app ta bon pa yena mas detayes posibel. Por ehèmpel, si e kliente su kas ta difísil pa yega na dje e kliente por indiká banda di unda esaki ta keda i òf kolo di kas.
https://fb.watch/qYcYayJIKx/ (Klik pa wak Rueda Prensa)
Ora e kliente kaba ku informashon adishonal e kliente ta primi riba konfirmá pa asina e order wòrdu prosesá. Al final e kliente por rate e app tambe i pues kompartí via e app kon a eksperiensha uzo di e ‘mobile ordering app’. Tempu ta kambia i ta birando moderno i KFC ke hasi e estilo di bestèl pa klientenan aun mas fásil. A lansa e ‘mobile ordering app’ di Subway algun tempu pasa i pues ke modernisá i hasi esaki tambe pa KFC.
Pues KFC ta spera di mira mas kliente bestèl via KFC su app nobo.