Willemstad—–Djaweps 15 di yüni 2023, personal di warda di Polis Punda, a tene kontròl di tráfiko.

 E kontrol aki a tuma entre 09.30’or pa 12.00’or riba Dominico F. “Don” Martina Boulevard na altura di Zona Liber.

A kontrolá un kantidat di 160 vehíkulo i 76 prosès verbal a keda repartí pa e siguiente infrakshonnan di tráfiko: Manehá un vehíkulo sin: Ø Faha di seguridat bistí; Ø Karchi di kùr bálido; Ø Reibeweis bálido; Ø Seguro di outo bálido; Ø Impuesto di vehíkulo pagá; Ø Plachi di number dilanti. Manehá un vehíkulo: Ku winshil di plak skur; E kontròlnan aki ta kontinuá.