Willemstad – Minister Charles Cooper huntu ku Servisio pa Obra Públiko (OW) ta informá ku entrante 3 di òktober, trabounan di mantenshon ta bai kuminsá riba Weg naar Willibrodus for di Williwood te ku parkeerplaats di Playa Daaibooi.
Nijlweg– Durante oranan tempran awe mainta tabatin un aksidente riba Nijlweg. Sentral di Polis a risibí notifikashon di un aksidente riba Nijlweg. Mesora a despachá un unidat pa e sitio di aksidente. Un investigashon ta indikando ku un grupo d i siklista entrenando riba Nijlweg a bin konfrontá problema na momento ku un vehíkulo SUV […]
Brion Plein, — Djasabra 30 di sèptèmber último ‘Festival Bos di Libertat 2023’ a bira realidat. E festival ta un di e aktividatnan pa yudá konsientisá pueblo tokante abolishon di sklabitut.
WILLEMSTAD—- Un kantidat di huls a keda tras despues di a likidá e víktima Vensley na Soto djaweps den oranan di anochi.
Nieuwe Haven—Sheryl Emelina ayera durante un entrevista ku Vigilante, a splika ku komo polis den departamento di pèrmit, bo no por keda sin tin kontakto ku kliente. E kontaktonan ku Emelina tabatin ku e.o. Sergio Francilon, a kondusí Ministerio Publiko pa investigá mas profundo, unda a lanta sospechonan di soborno i falsifikashon. Ayera Korte a rechasá tur e akusashonnan.
WILLEMSTAD – Parlamentario Giselle Mc William tabata ke sa mas di Minister di Enseñansa, Siensia, Deporte i Kultura (ESKD) Sithree “Cey” van Heydoorn tokante tarifa di awa i koriente di Aqualectra pa skolnan. E Minister a splika den kòrtiku ku pa skolnan ta konta tarifa regular, meskos ku ta konta pa un kas regular. A pensa riba ahuste, pero esaki lo tin efekto negativo pa kasnan di famia.
WILLEMSTAD – Minister di Enseñansa, Siensia, Deporte i Kultura (ESKD) Sithree “Cey” van Heydoorn ta trahando riba un maneho di término largu pa bringa kalor na skol. Pero riba término kòrtiku e Ministerio i skolnan lo studia temperatura i si e subi te na 34 i 35 grado pafó di klas, ta kambia operashon dje skol òf ta sera e skol mas tempran.
WILLEMSTAD – E trayekto pa instalá panelnan solar riba dak di skolnan ta den fase 2. Ta e intenshon pa 4 skol mas haña instalashon pa kuminsamentu di 2024. Instalashon na 1 skol ya ta finalisá den e segundo fase akí. Asina Minister di Enseñansa, Siensia, Deporte i Kultura (ESKD) Sithree “Cey” van Heydoorn a splika Parlamento den un karta di kontesta riba preguntanan di Parlamentario Giselle Mc William na kuminsamentu dje luna akí.
Nieuwe Haven,– Korte di apelashon a dikta riba djaweps 28 di sèptèmber ku e hóben nan ku a kometé un asesinato den Kaya Beròm no mester sinta un kastigu inkondishonal den prizòn. Segun e veredikto di apelashon, ámbos hóben ta kai bou di lei hubenil, pues nan tur dos lo risibí un kastigu di rehabilitashon.
WILLEMSTAD – Na e momentunan akí e komishon responsabel ta trahando riba e konsepto nobo di vakashon i lo evaluá e posibilidat pa ahuste dje dianan di fakansi. Asina Minister di Enseñansa, Siensia, Deporte i Kultura (ESKD) Sithree “Cey” van Heydoorn a splika Parlamento.