Vehíkulo ku su motor tabata na kandela.
https://fb.watch/lW3aNDVd40/ (Klik pa wak vidio)
Willemstad— Pagadónan di kandela mester a bai na altura di un negoshi na Klein St Michiel pa un vehíkulo ku tabata na kandela.
Ayera den oranan di mainta a pidi asistensia di pagadónan di kandela na un toko situá na Klein St Michiel pa un SUV ku tabata na kandela. A bin resultá ku un dama a yega para den un SUV dilanti di e toko pa asina por a bai kumpra kos. Dado momento a tuma nota di huma i tambe kandela a kuminsá sali for di e motor. Esaki a pone ku mesora e gerente di e toko a sali ku boternan di fumait pa asina por a paga e kandela promé ku esaki a destruí e vehíkulo por kompletu. Na yegada di e pagadónan di kandela nan no mester a hasi nada mas sino di djis kontrolá si e kandela a wòrdu bon paga. Sigur e kandela a kousa basta daño na e motor.