PUNDA,– Prensès Beatrix entre djamars 7 pa djabièrnè 10 di Novèmber próksimo lo ta di bishita na Kòrsou.
WILLEMSTAD – Den kuadro di vakatura nan “kritische functies 2022” ku Ministerio di Hustisia tin, resientemente Minister di Hustisia Shalten Hato a proponé durante konseho di Minister un komandante nobo pa guiá i liderá e kuerpo di bombero ku a kuminsá awe, 16 di òktober 2023. Sr. Jair Tromp a keda nombrá komo ámtenar den e funshon komo komandante pa Kuerpo di Brantwer Kòrsou despues di un proseso di solisitut eksitoso for di kual su persona a sobresalí durante di e proseso aki. Sr. Tromp den pasado a fungi komo Komandante General di kuerponan di Brantwer na islanan BES.
Willemstad,– Djaluna 16 di òktober 2023 alrededor di 21.52’or, Sentral di Polis a haña notifikashon ku ku tin un kaso di tiramentu den área di Ser’i Kandela.
WILLEMSTAD—- Fiskal di Ministerio Públiko a hasi un petishon di búskeda di e sospechoso Taysharino Capistrano Schermer di 42 aña di edat nase na Kòrsou pa un kantidat di droga ku a ser konfiská durante entrada hudisial na un adrès den John de Poolstraat.
Punda—Si Gobièrnu di Kòrsou, lo tuma e fiansa kombiná di Ennia i Covid, Hulanda lo gana 800 mion florin na interes despues di 20 aña. Esaki ta saliendo for di punto di bista ku Hulanda lo duna e fiansa kombiná na un interes di 3.6%.
WILLEMSTAD – Minister di Hustisia Shalten Hato djasabra último tabata presente na selebrashon di dia di bombero. Ta asina ku na aña 2008 Konseho Insular di Kòrsou a proklamá e djasabra rondó di 9 di òktober komo dia di Bombero.
WILLEMSTAD – E organisashon Konseho pa Mantenshon di Lei (Raad voor de Rechtshandhaving, RvdR) resientemente a saka un rapòrt ku resultadonan dje investigashon pa determiná na ki medida instansianan di investigashon ta organisá, pa finalisá kasonan penal den un término stipulá, pa asina evitá mas tantu posibel ku ta surpasá e término legal stipulá den tratadonan, hurisprudensia, i lei.
WILLEMSTAD——Ku yegada di un fiskal spesialisá den kasonan di trafikashon di hende medio òktober di e aña aki na Parkèt di Promé Instansia Kòrsou, e parkèt ta fortifiká e kartera di trafikashon i kontrabanda di hende.
Willemstad,– For di datos disponibel por nota ku turismo for di Venezuela ta lantando kabes, pero ainda e pais aki no ta generá un entrada supstansial pa Kòrsou.
WILLEMSTAD, — Sharina Clementina direktora di Services HACCP di Safety Curaçao (SHSC) ta menshoná ku tin falta di konosementu di higiena den HORECA.