Mark Mingo ku Merx

(foto St MaartenNews.com)

Nieuwe Haven—Djamars otro siman, eks direktor di haf Mark Mingo mester presentá den korte pa tratamentu konforme artíkulo art 648 Kódigo di Prosedimentu Penal. Mingo ta kuminsá un proseso pa pago di daño okashoná pa Ministerio Públiko.

Mingo for di 2017, ta bringando hustisia na St. Maarten, despues di su aresto akusá di e.o. robo, soborno pa un suma di kasi 7 mion dòler estado unidense. Korte di Promé Instansha a kondená Mingo pa 4 aña di kastigu di prizon pero despues na Yüni 2022, Korte di Apelashon a apsolv’é Mingo di tur akusashon. Pero Mingo a sufri hopi a konsekuensha di e akusashonnan, publikashon i prosedernan di Ministerio Públiko den Korte.

Entre otro, Mingo a pèrdè su empleo komo direktor di haf, pèrdè su kas na Guana Bay despues di a bende pa solamente 60 mil dòler i Mingo mester a bai biba serka su mama bek, koriendo un volkswagen. Konsekuentemente, segun medionan di komunikashon na St. Maarten, huntu ku su abogado Cor Merx nan a start un claim di 3 mion dòler kontra di Ministerio Públiko. Ta trata di e investigashon “Emerald” unda polítiko Theo Heyliger tambe a risibi kondena di prizon. Hulanda a hinka miónes den e investigashon, unda a pinta Mingo komo un kriminal grandi. Korte di Apelashon a apsolv’é tur akusashon i awor Mingo ta bai pa vengansa.

Abase di artíkulo 648, Mingo ta inisiá e proseso pa kuminsá claim su gastunan di abogado, despues di a keda apsolv’é for di tur akusashon. Aparte di e kostonan nan ta bai buska tambe kompensashon di dañonan okashoná pa e persekushon inhustu di Ministerio Públiko i tambe pa a pèrdè su trabou komo direktor. Mingo no tabata direktor statutario pues tabatin un relashon di trabou indefinitivo na Haf di St. Maarten.