DEN HAAG—Pieter Omtzigt ta partisipá na elekshonnan di Tweede Kamer novèmber próksimo ku su propio partido: Nieuw Sociaal Contract.

Omtzigt tin un programa di kontenido kaba pero no tin lista di kandidatonan. Nos ta papiando ku algun hende, pero no por menshonaá nòmbernan ainda, asina el a bisa Tubantia. E siman aki ta bini un yamada riba nos website pa hendenan ku kier partisipá por mèldu. Nos tin te 9 oktober pa finalisá e lista, segun Omtzigt. Omtzigt a tuma retiro di CDA den yüni 2021 i ta independiente den Tweede Kamer. E tin sosten enorme i por konta ku gran kantidat di asiento. E perspektiva di desena di asiento no a hasi mas fasil pa e tuma desishon. E no ta responsabel pa kuminsá un partido nobo ku asina tantu asiento. E pais aki a siña kiko a pasa ku partidonan LPF i Forum Democratie. Pues no, nos no kier 46 asiento den un tiru, pero kuminsá un partido ku kresementu responsabel. E partido NSC, ku ta titulo di Omtzigt su buki ku el a publiká den 2021 a keda ofisialmente funda den fin di siman.

Omtzigt a pone un video riba media sosial kaminda e ta splika e desishon. Segun Omtzigt Hulanda mester un kultura gubernamental nobo. Komo puntonan di lansa e ta menshoná realisashon di un sistema elektoral diferente i instalashon di un hof konstitushonal. Tambe e kier solushoná e skarsedat di kasnan i nesesidat di alimento pa hulandesnan. Omtzigt ta bisa kus u meta no ta pa bira e partido di mas grandi. Pero si esaki sosode, e no kier bira premier. Mi lugá ta den parlamento, komo lider di frakshon di un partido nobo duna guia na un team nobo. Segun reportero polítiko Marleen de Rooy, Omtzigt ta un kompetidor serio pa hopi partido grandi. E por atrae variedat amplio di votadónan. Un tema importante ku e kier bai elekshonnan kune ta seguridat sosial i pobresa. Partidonan iskierda por pèrdè votonan ku Omtzigt. Di otro banda e ta un hòmber di regio ku kier atende asuntunan di forma diferente. Algu ku por atrae votadonan di BBB. Ademas den su partido bieu CDA hopi hende tabata vota p’e. Na mes momentu e ta indiká ku e kier evitá kus u partido ta eksplotá, pero no ta kla kon.